Leichtathletik

Leichtathletik is a Spoatoat, de nem om Schwimma ois Olympische Keanspoatoat gseng wead. Heitz'dog wean do voa oim af da Tartanboh de Wettkämpf gmochd, wo ma friaha voa oim af Oschnbohna gspoatld hod.

Leichtathletik bstähd aus drei Bereiche. Oana is da Sprung, da zwoate is da Laff, dea wiedarum in Sprint-, Middl- und Longstreckn eihteid wead. Da dritte Bereich is da Wuaf. De beriahmdasde Laffstreckn in da Leichtathletik san de 100m (hundad Meta). Owa's gibd aa no gonz vui ondare Streckn, wia z. B. mid Hindanissn oda owa aa Geha, wobei ma da aa draf ochtn muass, doss ma des ned mid Nordic Walking vawexld, wei des hod scho glei goa nix mid Leichtathletik z doa.

De offiziejn flochn Streckn ba Wejdmoastaschoftn san:

• 100 Meta
• 200 Meta
• 400 Meta
• 800 Meta
• Tausndfimfhundad Meta
• Fimftausnd Meta
• Zehntausnd Meta
• Marathon (zwoaraviazgtausndoahundadfimfaneinzg Meta)

De Eihteiung in Kuaz-/Middl- und Longstreckn eafoigd so: Bis z' 400 Meta is's a Sprint, bis za de 1500 Meta is's a Middlstreckn, und ois, wos länga is, is a Longstreckn.

Mid Hüadn ko ma foingde Streckn laffa:

• 100 Meta (fia de Weibsbuida) / 110 Meta (Mannsbuida)
• 400 Meta

Im Bereich van Sprung gibd's aa do via vaschiedne Oatn: An Weid-, Hoch-, Drei- und no an Stobhochsprung.